पहाटवारा सांगत होता

गीत प्रीतीचे गात होता 
साथीने तुझ्या बहरत होता 
चांदण्याला आज उत आला 
पहाटवारा सांगत होता 


केसांत मोगरा माळला होता 
रूपाने नभी चंद्र लाजला होता 
रातराणीचा सुगंध भरला 
पहाटवारा सांगत होता 


श्वासात मिसळला श्वास होता 
किर्रर्र रातीचा आभास होता 
समुद्र होता उधाणलेला 
पहाटवारा सांगत होता 


चंद्र मावळतीला झुकला होता 
ध्रुवतारा गगनी चमकला होता 
गोडवा सैलावणाऱ्या मिठीतला 
पहाटवारा सांगत होता 

.......... वैभव आलीम (१३/०८/११)