खंत नाही खेद नाही
निर्ढावलेल्या मनाला
विकायला काढलंय
यांनी भारतभूमीला
होवो दंगा-हाणामारी
वा होवो कुणाचा खून
हे सदैव फिरतात
गार्डच्या पाठीमागून
गरीब बिचारा कोणी
उपासमारीने मेला
कसली ना चिंता यांना
मिळतेय ना पोटाला
कुठे दरोडा पडला
कुठे बॉम्बस्फोट झाला
लुट कुणा,कोण गेला
नवा 'आदर्श' घोटाळा
पैसा नाही विकासाला
देश कर्जात बुडाला
काळा रुपया सगळा
स्विस बँकेत जमला
खंत नाही खेद नाही
निर्ढावलेल्या मनाला
विकायला काढलंय
यांनी भारतभूमीला
......... वैभव आलीम (१४/०७/११)
No comments:
Post a Comment