आठवणींचा हिवाळा

कॉलेजच्या आठवणींना
मिळाला उजाळा
आवरावे कसे आता
या बेधुंद मनाला

मज्जा,मस्ती आणि
दांडी मारली तासाला
दिवसच ते बहरायचे
आवर नाही पंखांना

थंडीचे ते दिवसही सरले
भाव मनातील तसेच राहिले
आठवांचे हे महापूर लोटले
भावविश्वही त्यात गुंतले

सुन्या झालेल्या मैफिलीत आज
क्षण हळूच ते डोकावले
मैत्रीच्या महासागरातून ते
तुझ्याचकडे झेपावले

असशील जरी दूर तू
सोबतीला नेहमी मी असेन
हाक दे तू कधीही
साद त्याला माझी असेल

बहार आला थंडीचा कि
दाटतो मनी स्मृतींचा ओलावा
जीवनाच्या या वाटेवर
येईल का पुन्हा ..... "गतवर्षीचा हिवाळा" ?

      .......... वैभव आलीम (१७.१२.१०)