आज तुझ्या आठवणींत

आज तुझ्या आठवणींत
मी पूर्णपणे गुंतलो होतो
माझे सारे देहभानच
मी विसरून गेलो होतो

तू गेलेल्या वाटेकडे
डोळे लावून बसलो होतो
परत कधी येणार तू
सारखं मनाला विचारत होतो

आज तुझ्या आठवणींत
मी कडक उन्हातसुद्धा तापलो होतो
तुझ्या प्रेमाच्या छायेसाठी
तुझी वाट पाहत थांबलो होतो

तू गेलीस तेव्हा
मी तिळ-तिळ तुटलो होतो
आज तुझ्या आठवणींत
क्षणभर का होईना........ मी जगलो होतो !!!
      ......... वैभव आलीम (१५.०५.१०)