माता न तू वैरिणी !!!

नैतिकतेची राखरांगोळी
अनैतिकतेचाच बोलबाला
माझ्याच नशिबी हा असा
जन्म का आला ???

कधी घाणीच्या उकिरड्यावर
तर कधी फुटपाथवर
मंदिराच्या पायऱ्याही
झाल्या पापाला आधार !!

द्यायचाच नव्हता जन्म जर
पिंड कशाला जोपासला ??
व्यभिचार करताना
का वाटली नाही लाज मनाला ??

जन्मताच मला टाकताना
कीव नाही आली का तुझ्या मातृत्वाला ??
जन्म देताना विचारलेस मनाला ?
काय गुन्हा होता मी केला ??

आई कशी म्हणू तुला ??
मातृत्वाची तू अभागिनी ...
पोटच्या गोळ्याला मारणारी ..
माता न तू वैरिणी ......
माता न तू वैरिणी ...... !!!!
           .......... वैभव आलीम (२३.१२.१०)